“பெண்களை
ஆண்கள் பேசவிடுவதில்லை“
என்ற மனைவியை
புறநகர் பேருந்து நிலையத்திற்கு
அழைத்துச் சென்றேன்
“உங்கள் உடைமைகளை பத்திரமாக வைத்துக்கொள்ளவும்“
ஒரு பெண்ணின் குரல் ஒலித்துக்கொண்டிருந்தது.
இரயில் நிலையம் சென்றோம்
“பொதிகை எக்ஸ்பிரஸ் முதல்நடைமேடையை வந்தடையும்“
பெண்குரல் சொன்னது.
விமான நிலையம் சென்றோம்
“ப்ளைட் டு பாம்பே இஸ் ரெடி டு டேக் ஆஃப்“
இங்கேயும் பெண்குரல் தான்.
மனைவியை பார்த்தேன்
சலனமற்று சொன்னால்
“பெண்களை பேசவிடுகிறீர்கள்
ஆனால் பதிவு செய்யப்பட்டதை மட்டும்“
No comments:
Post a Comment