"அதுக்கு முன்னாடி நீ பிறக்கலபா"
"ஏன் பிறக்கல?"
"அம்மாவுக்கு அப்ப கல்யாணம் ஆகலைல"
என்னால் அந்த பதிலை அப்போது புரிந்து கொள்ளவே முடியவில்லை. எதிர்த்த வீட்டு ஜானகி அக்காவுக்கு கல்யாணம் ஆகியதும் கொஞ்ச நாட்களில் அவருக்கு குழந்தை பிறந்துவிட்டது. so கல்யாணம் ஆனா தான் குழந்தை பிறக்கும் என்று மண்டையில் ஏறிவிட்டது.
மாடிவீட்டு நிர்மலா அக்காவிடம் கேட்டேன்.
"ஏங்கா கல்யாணம் பண்றாங்க?"
"குழந்தை பெத்து சந்தோஷமா இருக்க"
ரெண்டு விசயம் மண்டையைக் காய்ச்சியது
1. கல்யாணம் பண்ணிக்கிறதுக்காக குழந்தை பெத்துக்கிறாங்களா? இல்லை குழந்தை பெத்துக்கிறதுக்காக கல்யாணம் பண்ணிக்குறாங்களா?
2. குழந்தை பெத்து சந்தோசமா இருக்க கல்யாணம் பண்ணிகிறாங்கன்னா ஏன் எலிசா அவங்க அம்மா அவனை எப்பப்பாத்தாலும் திட்டிக்கிட்டே இருக்காங்க. இவன் இருக்குற வரைக்கும் நிம்மதியா இருக்க முடியாதுனு வேற புலம்புறாங்களே... # லாட் ஆஃப் கன்பியூசன்ஸ்
"என்னதான் இருந்தாலும் நம்ம பேரு சொல்ல ஒரு புள்ள வேணாமா?" எக்கச்சக்க தடவை கேட்ட டயலாக். 'பேர் சொல்லும் பிள்ளை' னு கமல் ஒரு படம் கூட நடிச்சிருக்கார்."நம்ம வம்சம் உன்னோட நின்னு போயிரக்கூடாது. அது அப்படியே வளரனும்." நாம இருந்தோம் அப்படினு ஒரு சாட்சி வைக்கத்தான் குழந்தை பெத்துக்குறமா?
என் நண்பனின் அக்கா குழந்தை இல்லை என்று தூக்கு மாட்டிக் கொண்டார். அவர் இறந்த கொஞ்ச நாளில் அவரது கணவரும் தற்கொலை செய்து கொண்டார்.குழந்தை இல்லாமல் இல்லற வாழ்க்கை இயங்காதோ?
என் மாமா அத்தைக்கு பிள்ளை கிடையாது ஆனாலும் ரெண்டு பேர் ஒன்னாக வாழ்ந்து கொண்டுதான் இருக்கிறார்கள்.அப்ப குழந்தைக்கும் கல்யாணத்துக்கும் சம்மந்தம் கிடையாதா? #கான்ட்றோவர்சியல்
"மெட்டி ஒலி விஜி மாதிரியே நம்ம சாருவும் ஏமாந்து கர்பமாயிட்டா.கலைக்கவும் விடமாட்றா.. பாவம் அவ அண்ணன் தான் அந்த பையனைப் போய் பாத்து. அப்படி இப்படி பேசி கல்யாணம் பண்ணி வச்சான்." பக்கத்து வீட்டு மகேஷ் அக்கா அடுத்த தெரு சாருலதா அக்காவைப் பற்றி பொறனி பேசிக் கொண்டிருந்தார். அப்போ கல்யாணம் பண்ணாமயே குழந்தை பிறக்கும்னா ஏன் கல்யாணம் பண்ணனும்? #கொஸ்டீன்
"நீங்க ஏன் கல்யாணம் பண்ணிக்கிறிங்க?" கல்யாணப் பத்திரிக்கை கொடுக்க வந்த நண்பரிடம் கேட்டேன்.
"நல்ல படிப்பு, நல்ல வேலை, நல்ல சம்பளம், சொந்த வீடும் இருக்கு, சோ நெக்ஸ்ட் கல்யாணம் தான" கல்யாணம் என்பது படிப்பு, வேலை, சம்பளம் முடித்து வாழ்க்கையில் அடுத்து பண்ணவேண்டிய விசயமா?.
"எவ்வளவு சொன்னாலும் கேக்க மாட்டிங்கிறான், ஒரு வேலைல நிக்க மாட்டிங்கிறான், இவனுக்கு ஒரு கல்யாணத்தப் பண்ணி வச்சாலாவது ஒழுங்காவானானு பாக்குறேன்" ஒரு தூரத்து சொந்தக்கார பெண்மணி பாட்டியிடம் சொல்லிக் கொண்டிருந்தாள்.அப்போ பொறுப்பு இல்லாதவனுங்க கல்யாணம் பண்ணிக்கனுமா? # அகேன் கான்ட்றோவர்சியல்.
"நாம சாதிக்க வேண்டியது நிறைய இருக்கு... நாம எல்லாம் கல்யாணம் மாதிரியான விசயங்களில் கமிட் ஆகக் கூடாது" இது வரை முகமே காட்டாத தோழி அடிக்கடி சொல்வதுண்டு. அப்போ கல்யாணம் என்பது நம்மை பின்னுக்கு இழுப்பதா?
"எங்க அக்கா பொண்ணு தான் தம்பி... ஊருல சும்மா தான் இருந்துச்சு...தனியா எல்லா வேலையும் பண்ண முடியல.அதான் ப்ளேட் கழுவ, மசாலா போட ஆகுமேனு கட்டிக்கிட்டு வந்துட்டேன்". பானி பூரி விக்கும் முருகேசண்ணன் சொன்னார். கல்யாணம் பண்ணுவது நமக்கு உதவத்தானா? #அகேன் கான்ட்றோவர்சியல்
ஊரையே கூட்டி சாப்பாடு போட்டு இது என் துணை வேற யாரும் ட்ரை பண்ணாதிங்கனு சொல்லி கல்யாணம் பண்ணிக்கிறாங்க ரைட்டு. யாருமே இல்லாம மலைக் கோயில்ல ஹீரோ ஹிரொயின் மட்டுமே இருந்துகிட்டு மஞ்சலை வச்சு தாலி கட்டிக்கிறாங்களே அது எதுக்கு?#கொஸ்டீன்
சமீபத்தில் ஒரு கல்லூரிக்கு மூன்று நாட்கள் போட்டிகளில் கலந்து கொள்வதற்காக தொடர்ந்து போகவேண்டி இருந்தது.மூன்று நாட்களும் ப்ரீ டைமில் ஒரு பெண்ணை பார்த்துக் கொண்டிருந்தேன். சைகை கூட கிடையாது. ஜஸ்ட் பார்ப்பேன் அவ்வளவு தான். கடைசி நாள் அவளே வந்து பேசினாள்.
"என்ன என்னியவே பாத்துக்கிட்டிருக்க?"
"சும்மா தான்"
"உள்காடா?"
"ஆமா எப்படித் தெரியும்"
(7நிமிடம் பேச்சு சுவாரசியம் இல்லாத பகுதி என்பதால் நீக்கப்பட்டு விட்டது..)
"லவ் பண்றியா?"
"என்ன?"
"லவ் பண்றியா?'
"அப்படி எல்லாம் இல்ல.. யு ஆர் மிஸ்டே.."
"நான் உன்ன லவ் பண்றேன். நீ என்ன லவ் பண்றியா?"
"ம்"
"ம்னா பண்றியா? இல்லியா?"
"பண்றேன்"
"சீரியசாவா? இல்ல டைம் பாஸுக்கா?"
"சீரியசாதான்"
"அப்ப என்ன கல்யாணம் பண்ணிப்பியா?"
"மாட்டேன்"
"மாட்டியா? சீரியசான லவ்வுன்ன"
"ஆமாம் லவ் பண்ணா கல்யாணம் பண்ணிக்கனுமா என்ன?"
ஒரு பயங்கரமான ஆங்கிலக் கெட்ட வார்த்தையில் திட்டிவிட்டு பதில் சொல்லாமல் போய்விட்டாள். அப்ப லவ் பண்றது கல்யாணம் பண்ணிக்கிறதுக்குத் தானா.. தெய்வீகக் காதல், தேனமுதுக் காதல் எல்லாம் உடான்ஸா? #^&^$%@^*
இதற்கான பதில்கள் யாராவது சொல்லுங்க ப்ளீஸ்ஸ்ஸ்ஸ்ஸ்ஸ்ஸ்
(குறிப்பு: இந்த கன்பியூசன்ஸ்,கான்ட்றோவர்சியல்ஸ், கொஸ்டீன்ஸ் ஆகியவற்றை சால்வ் பண்ணும் இளம் பெண்கள் யாராவது என்னை கல்யாணம் பண்ண அப்ளை பண்ணினால் அவர்களுக்கு முன்னுரிமை கொடுக்கப்படும்)
1 comment:
apply panna naanga ready.... are you ready ?????
Post a Comment